2,3 ton narkotik müsadirə edilib

Hurriyyet.az TRT Haber kanalına istinadla xəbər verir ki, Mərkəzi Amerikada yerləşən Panamada narkotik qaçaqmalçılarına qarşı keçirilən əməliyyatlar nəticəsində 2,3 ton kokain ələ keçirilib.

Sakit okean və Qəraib dənizi sahillərində ümumilikdə 3 əməliyyat keçirilib. 2,3 ton kokainin İspaniyaya – Valensiya limanına göndərilməsinin qarşısı alınıb.

Yerli mətbuatın yazdığına görə, Panamada bu ilin əvvəlindən bəri narkotik alverinə qarşı keçirilən 66 əməliyyatda 108 nəfər saxlanılıb.

Aprelin 29-da Qəraib dənizində ABŞ, Panama və Kolumbiyanın asayiş keşikçiləri tərəfindən keçirilən əməliyyat zamanı 5,5 ton kokain müsadirə edilmişdi.

Hürr Tərcüman