ABŞ hərbi bazasına hücum – Ölənlər var

İordaniyanın Suriya ilə sərhədi yaxınlığında ABŞ hərbi bazasına pilotsuz təyyarələrin hücumu olub.

Hurriyyet.az xəbər verir ki, nəticədə 3 ABŞ hərbçisi ölüb, onlarla hərbçi yaralanıb.

ABŞ Mərkəzi Komandanlığı iranpərəst qrupların pilotsuz təyyarələrin hücumu nəticəsində 3 amerikalı əsgərin öldüyünü, 34-nün isə yaralandığını bildirib.

ABŞ prezidenti Co Bayden hücumun İranın dəstəklədiyi radikal silahlı qruplar tərəfindən həyata keçirildiyini bildirib.

“Biz cavab verəcəyik”, - o əlavə edib.

İran hücumda hər hansı əli olduğunu təkzib edib.

İordaniya rəsmiləri bildiriblər ki, hücum İordaniyanın daxilində deyil, Suriyada baş verib.

ABŞ ordusunun məlumatına görə, ABŞ-nin bölgədəki bazalarına başqa hücumlar da olub, lakin sonuncu hücumdan başqa heç birində ölüm halı qeydə alınmayıb.

Hücumu heç bir təşkilat öz üzərinə götürməyib.

yeniavaz.com