"ABŞ Hindistan və Çini Rusiyadan uzaqlaşdırmağa çalışır" - ELXAN ŞAHİNOĞLU

"Vaşinqton hər dəfə Pekin qarşısında Ukrayna mövzusunu qaldırdıqca Pekin də Vaşinqton qarşısında Tayvan mövzusunu qaldırır"

"Hindistanın və Çinin Rusiya ilə tərəfdaşlıq münasibətləri mövduddur. Rusiyanın Ukraynaya qarşı işğalçı müharibəsinə baxmayaraq, Dehli və Pekin Rusiya ilə tərəfdaşlıqdan imtina etməyiblər. Bu vəziyyət Vaşinqtonu narahat edir. Vaşinqton dəfələrlə Dehli və Pekinə Rusiya ilə münasibətlərə yenidən baxmağı təklif edib. Dehli Rusiya ilə yanaşı, ABŞ-la da tərəfdaşlıq münasibətləri qurub". Hurriyyet.az xəbər verir ki, bunu "Atlas" Araşdırmalar Mərkəzinin rəhbəri, politoloq Elxan Şahinoğlu bildirib.

Politoloq qeyd edib ki, Hindistan son illərdə Rusiyanın əvəzinə Qərb ölkələrindən hərbi texnika alır, Pekin isə Qərbdən uzaqlaşıb: "ABŞ dövlət katibi Entoni Blinken sentyabrın 23-də Nyu-Yorkda Birləşmiş Millətlər Təşkilatının Baş Assambleyası çərçivəsində Çinin xarici işlər naziri Vanq Yi ilə görüşüb. Əsas müzakirə mövzularından biri Ukrayna olub. Blinken çinli həmkarını inandırmağa çalışıb ki, Pekin Kremlin işğalçı planlarına dəstək verməsin. 90 dəqiqəlik görüşdə Çinin xarici işlər naziri isə Tayvan məsələsini qaldırıb, Pekinin Vaşinqtonun siyasətindən narazı qaldığını söyləyib. ABŞ Tayvanın Çinə aid olduğunu qəbul etsə də, adanın güc yolu ilə Pekinə tabe etdirilməsinin əleyhinədir. Eynilə Çin Ukraynanın ərazi bütövlüyünü dəstəkləsə də, Rusiyanın işğalçı müharibəsini pisləmir. Entoni Blikenin çinli həmkarı ilə bu ilin iyulun 9-dakı görüşü də nəticə verməmişdi. Həmin görüşdə də əsas müzakirə mövzusu Ukrayna və Tayvan idi. “Mən Çin Xalq Respublikasının Rusiya ilə müttəfiqliyindən narahat olduğumuzu dövlət müşaviri ilə bir daha paylaşdım”, Blinken danışıqlardan sonra mətbuat konfransında belə demişdi. Blinken Çinin neytral şəkildə davrandığını düşünmdəyini səsləndirmişdi. Çin Birləşmiş Millətlər Təşkilatında Rusiyanın mövqeyini dəstəkləyib və “Rusiya təbliğatının gücləndirilməsinə rol oynayıb. Buna misal olaraq Çinin lideru Şi Sinpinin iyunun 13-də orezident Vladimir Putinlə telefon danışığı zamanı Rusiya ilə tərəfdaşlığı gücləndirmək qərarını dəstəklədiyin açıq şəkildə bildirdiyi göstərilib".

"Atlas" Araşdırmalar Mərkəzinin rəhbərinin sözlərinə görə, Vaşinqton hər dəfə Pekin qarşısında Ukrayna mövzusunu qaldırdıqca Pekin də Vaşinqton qarşısında Tayvan mövzusunu qaldırır: "ABŞ Konqresi Nümayəndələr Palatasının sədri Nensi Pelosinin Tayvana səfəri təxribat xarakterli idi. Ağ Ev və Dövlət Departamenti bu səfərin Amerikanın dövlət siyasəti olmadığını vurğulasa da, buna inanan az idi".

Vazeh BƏHRAMOĞLU,

Hurriyyet.az