ABŞ-ın gözü önündə olan xəzinə…

Hurriyyet.az xəbər verir ki, yeraltı sərvətləri baxımından dünyanın ən zəngin ölkələrindən biri olan Venesuela, böyük sərvəti sayəsində ABŞ-ın gözündə olan bir xəzinəyə çevrilib. Neft deyildikdə ağla ilk gələn ölkələrdən biri olan Venesuela təkcə enerji ehtiyatları ilə deyil, həm də dünyanın ən qiymətli minerallarından ibarət yeraltı sərvətləri ilə tanınır.

Son xəbərlərə görə, ABŞ ilə Venesuela arasında uzun müddətdir davam edən gərginlik Karakasda eşidilən təyyarələrin səsi və bir sıra şiddətli partlayışlarla yeni bir mərhələyə çatıb. Paytaxt Karakasda panikaya səbəb olan hadisələrdən sonra bəzi ərazilərdə elektrik kəsilib və Vaşinqton Venesueladakı hədəflərə qarşı hərbi əməliyyata başlayıb. ABŞ prezidenti Donald Tramp verdiyi açıqlamada əməliyyatın uğurlu olduğunu bildirib və Maduro və həyat yoldaşını ələ keçirdiklərini açıqlayıb. Maduro administrasiyası bütün sosial və siyasi qüvvələri səfərbər olmağa çağıraraq "milli fövqəladə vəziyyət" elan edib.

Neft ehtiyatları ilə illərdir qlobal enerji tənliklərinin mərkəzində olan Venesuela əslində aysberqin yalnız zirvəsini təmsil edir. Qızıl, koltan, brilyant və nadir minerallarla dolu yeraltı sərvətləri bu Latın Amerikası ölkəsini təkcə regional deyil, həm də qlobal miqyasda strateji bir xəzinəyə çevirir. Bu nəhəng ehtiyatlar Venesuelanı Vaşinqtonun geosiyasi hesablamalarının mərkəzinə qoysa da, beynəlxalq təzyiqlər bu sərvətin qiymətini ortaya qoyur. Yeraltı sərvətlə yerüstü böhran arasındakı bu təəccüblü ziddiyyət Venesuelanı dünya siyasətinin ən mübahisəli ölkələrindən birinə çevirir.

Hurriyyet.az