ABŞ-ın hərbi nəşrinin rəyi: "Rusiyanın Zirkon hipersəs raketi həm quruda, həm də dənizdə güc balansını dəyişir"
ABŞ-ın “Military.com” hərbi portalında "Rusiyanın hipersəsli raketləri niyə radarlarda görünmür" başlıqlı məqalə yayınlanıb. Məqalədə Rusiyanın perspektivli dənizdən atılan hipersəsli "Zirkon" qanadlı raketindən söhbət gedir.
Nəşr yazır: “Rusiyanın hipersəsli silahlara keçməsi, yəqin ki, Moskvanın ABŞ-ın ölçüsünə, texnologiyasına və çox sayda təyyarə daşıyan gəmilərdə üstünlüyünə görə mübarizə yoludur. ABŞ Hərbi Dəniz Qüvvələri inventarında 12 təyyarə daşıyan atom gəmisini saxlamaq niyyətindədir".
“Military.com” yazır: “Dənizdə Rusiyanın 15 “Buyan” korvetindən hər biri 25-ə qədər“ Zirkon ”hipersəsli raketi daşıya biləcək. ABŞ-ın “Gerald R. Ford” kimi qabaqcıl nüvə enerjili təyyarə daşıyan gəmisini belə batırmaq üçün 6 belə raket lazımdır".
Amerika hərbi nəşrinin yazdığına görə, "Zirkon kimi innovasiya hərbi texnologiyanın inkişafını daşıyıcı əsaslı sistemlərdən uzaqlaşdırır və ABŞ Hərbi Dəniz Qüvvələrini təyyarə daşıyan gəmilərinin rolu barədə tamamilə yenidən düşünməyə sövq edir".
Zirkonun su altından ilk sınaq buraxılışı 4 oktyabr 2021-ci ildə “885 Yasen” layihəli “Severodvinsk” nüvə sualtı qayığı 40 metr dərinlikdən həyata keçirdi. Buna qədər isə suyun səthində olan “Severodvinsk” nüvə sualtı gəmisindən bir buraxılış həyata keçirilmişdi.
Zirkon hipersəs raketi həm yerüstü gəmilərdən, həm də sualtı qayıqlardan istifadə edilə bilər. Su üstü gəmiləri və sualtı qayıqlar üçün atıcı qurğular fərqlidir.
"Zirkon" unikal xüsusiyyətlərə- 9 Maxa qədər uçuş sürəti və 1000 kilometrdən çox uçuş məsafəsinə malikdir. ABŞ-ın təyyarə daşıyan gəmilərdəki təyyarələrin döyüş məsafəsi 800 kilometrdir, buna görə də 1000 kilometrdən çox uçuşa malik hipersəsli raket ABŞ təyyarə gəmisinin hava zərbə qruplarını 800 km məsafədə saxlayacaq. “Military.com” hərbi portalının yazdığı kimi, bu fakt, Rusiya ilə potensial hərbi toqquşmada ABŞ təyyarədaşıyan gəmisini xeyli dəyərdən salır və sadəcə yararsız hala salır.
Rusiya Hərbi Dəniz Qüvvələrinə bu raketlərin kifayət qədər çatdırılması dənizdəki güc balansını tamamilə dəyişdirəcək. ABŞ və müttəfiqlərinin bütün yerüstü donanması təhlükə altında olacaq. Zirkon hipersəs raketinin bir vuruşu böyük hərbi gəmini sıradan çıxarmaq üçün kifayətdir.
Ancaq Zirkonun istifadəyə verilməsi təkcə dənizdə deyil, quruda da güc balansını dəyişəcək. Bu raketlərin çox məqsədli nüvə sualtı gəmilərinə yerləşdirilməsi, bu silahların dünya okeanlarının hər yerində görünə biləcəyi mənasına gəlir.
Ülviyyə, Hurriyyet.az