ABŞ KƏŞFİYYATI ONU İZLƏYƏ BİLMİR - Xameneinin gizli otağı aşkarlandı
ABŞ kəşfiyyatı İranın yeni dini lideri Müctəba Xameneinin elektron dünyadan tamamilə təcrid olunduğunu düşünür.
Bu barədə "CNN"-də yayımlanan materialda bildirilir.
Qeyd olunur ki, ABŞ kəşfiyyatı Xameneinin digər yüksək vəzifəli məmurlarla birlikdə ölkənin müharibə və danışıqlar strategiyasının formalaşmasında əsas rol oynadığını qiymətləndirir.
Məlum olduğu kimi, hücumdan bir neçə gün sonra atasının varisi elan edilən Müctəba Xamenei ictimaiyyət qarşısında görünməyib. ABŞ kəşfiyyat mənbələri Xameneinin harada olduğuna dair qəti bir iz tapmasa da, yeni liderin heç bir elektron cihazdan istifadə etmədiyini aşkara çıxarıb.
Qeyd olunur ki, Xamenei xarici dünya ilə yalnız şəxsən gizli otağına icazə verdiyi məhdud sayda insan və ya xüsusi kuryerlər vasitəsilə əlaqə saxlayır.