ABŞ Rusiya-Çin hərbi ittifaqına inanmır

Rusiya və Çin Qərb ölkələrinə, ilk növbədə ABŞ-a artan koordinasiya səviyyəsini göstərmək üçün getdikcə daha çox birgə hərbi təlimlər keçirir. Bu barədə CNN xəbər verir.

Bəzi ekspertlər qeyd edirlər ki, Rusiya ilə Çin arasında əməkdaşlığın səviyyəsi NATO müttəfiqlərinin hərəkətlərinin koordinasiyası ilə müqayisə oluna bilməz. Və ÇXR hökuməti belə bir əməliyyata başlamaq qərarına gələrsə, rus qoşunlarının Tayvana mümkün hücumda iştirak edəcəyi ehtimalı azdır. Eyni zamanda Rusiyanın işğalçı Çin ordusuna müəyyən dəstək verəcəyini də istisna etmək olmaz.

Rusiya və Çinin beynəlxalq aləmdə maraqları heç də həmişə üst-üstə düşmür. Məsələn, Rusiya Çinin geosiyasi rəqibi olan Hindistanla yaxın münasibətlərini davam etdirir.

Digər ekspertlər qeyd edirlər ki, nə olursa olsun, Rusiya və Çin öz silahlı qüvvələrinin qarşılıqlı fəaliyyət səviyyəsini artırmağa çalışır və bu məsələdə müəyyən inteqrasiyaya hazırdır.

Ülviyyə, Hurriyyet.az