ABŞ-yə cavab olaraq “bombaların atası”nı təqdim edəcəklər

İran “bombaların atası” adlandırılan yeni silah növünü təqdim etməyə hazırlaşır. 

Hurriyyet.net  xəbər verir ki, bu barədə İranın İslam İnqilabı Keşikçiləri Korpusunun (SEPAH) nümayəndəsi Hüseyn Möhəbbi yerli SNNTV telekanalına müsahibəsində bildirib.

“Biz  “bombaların atası”nı təqdim etməyə hazırlaşırıq. Bu, düşmən üçün tamamilə yeni bir silah olacaq”, - o deyib. 

Bununla belə, Hüseyn Möhəbbi silahın xüsusiyyətləri barədə məlumat verməyib. 

Xatırladaq ki, bir neçə gün öncə CNN telekanalı ABŞ-nin İrana qarşı öz arsenalındakı ən güclü qeyri-nüvə bombasından istifadə edə biləcəyi barədə xəbər yayıb. Məlumata görə, söhbət çəkisi 9,8 ton olan GBU-43/B Massive Ordnance Air Blast (MOAB) bombasından gedir. Bu zaman sözügedən sursat “bombaların anası” adlandırılmışdı.