AFFA "Turan Tovuz"u Berdiyevə görə cərimələdi, "Qəbələ"yə xəbərdarlıq etdi
AFFA "Turan Tovuz" klubunu ümumilikdə 12500 manat cərimələyib.
Publika.az xəbər verir ki, bu barədə qurumun İntizam Komitəsinin iclasında qərar verilib.
Azərbaycan Kubokunda 1/4 finalın "Kəpəz"lə ilk görüşünün 41-ci dəqiqəsində Tovuz komandasının məşqçisi Yunis Hüseynov hakimin qərarına etiraza görə ikinci sarıdan qırmızı vərəqə aldığı üçün 1 oyun cəzalanıb və klub 2500 manat cərimə edilib.
Görüşün 64-cü dəqiqəsində "Turan Tovuz" komandasının baş məşqçisi Kurban Berdiyev hakimi itələdiyinə görə birbaşa qırmızı vərəqə aldıqdan sonra hakimləri təhqir etdiyinə görə 4 oyun oyunluq diskvalifikasiya edilib, "Turan Tovuz" 10000 manat cərimələnib.
Bundan başqa, "Qəbələ"yə xəbərarlıq edilib. Səbəb qonaqların 1/4 finalın ilk görüşü çərçivəsində keçirilən "Sabah"la oyunda təyin edilmiş vaxtdan gec gəlməsi olub.