Aleksey İsayevin "Zirə"yə qarşı oynayıb-oynamayacağı matç günü bəlli olacaq

"Sabah"ın futbolçusu Aleksey İsayevin zədəsi ciddi deyil.

Bu barədə "Report"un sorğusuna cavab olaraq Bakı klubundan bildirilib.

Futbolçunun XXVII turda keçiriləcək "Zirə" ilə görüşdə meydana çıxıb-çıxmayacağına oyun günü aydınlıq gələcək:

"Alekseyin zədəsi ciddi deyil. Növbəti oyunda şans qazanıb-qazanmayacağı dəqiq bilinmir. Çox güman, bu məsələyə oyun günü aydınlıq gələcək".

Qeyd edək ki, Aleksey İsayev Misli Premyer Liqasının XXVI turunda "Araz-Naxçıvan"a 4:2 hesabı ilə qalib gəldikləri matçda zədələnmişdi.