Almatıda "Trans-Xəzər Beynəlxalq Nəqliyyat Marşrutu" Beynəlxalq Assosiasiyasının ümumi yığıncağının iclası keçirilib

8 fevral 2023-cü il tarixində Almatıda “Trans-Xəzər Beynəlxalq Nəqliyyat Marşrutu” (TBNM) Beynəlxalq Assosiasiyasının ümumi yığıncağının iclası keçirilib. “Transxəzər Beynəlxalq Nəqliyyat Dəhlizi” Çin-Qazaxıstan sərhədindən Qazaxıstan, Xəzər dənizi, Azərbaycan, Gürcüstan və daha sonra Türkiyə və Avropaya uzanır.
Marşrutun iştirakçıları birliyin 2022-ci il üçün fəaliyyətinə yekun vurublar. TBNM üzrə daşımaların müsbət dinamikası və onun müasir geosiyasi reallıqlarda artan rolu qeyd olunub. 2022-ci ildə yükdaşımaların həcmi 2,5 dəfə artaraq 1,5 milyon tona çatıb. Eyni zamanda, Qazaxıstan yüklərinin ixracı 2021-ci illə müqayisədə 6,5 dəfə artaraq 891 min ton təşkil edib.
Bundan əlavə, konteynerlərdə 33,6 min TEU daşınıb ki, bu da ötən ilin müvafiq dövrü ilə müqayisədə 33 faiz çoxdur.
Görüş zamanı TİTR-ə yüklərin cəlb edilməsi üzrə işlərin səmərəliliyinin artırılması və konteyner daşımalarının inkişafı məsələləri müzakirə olunub. 2023-cü il üçün marşrut üzrə yükdaşımaların həcminin artırılması, müntəzəm marşrut qatarının müəyyən edilmiş qrafik üzrə hərəkətə gətirilməsi və vahid tranzit məhsulunun yaradılması məsələləri ilə bağlı razılıq əldə olunub.
İclasın yekunu olaraq müvafiq protokollar imzalanıb.

Ülviyyə, Hurriyyet.az