Avropa bu tarixədək qədər Rusiya qazından asılılıqdan xilas olacaq

Avropa Komissiyası 2020-ci illərin sonuna qədər Rusiya qazından asılılıqdan xilas olmaq niyyətindədir.

Bu barədə "Reuters" Avropa Komissiyasının bəyanatına istinadən xəbər verir.

Brüsselin məlumatına görə, Rusiya qazının Aİ-yə idxalı 2021-ci ildəki 155 milyard kubmetrə nisbətdə bu il 40-45 milyard kubmetrə qədər azalacaq. Təchizatda azalma günəş enerjisindən daha çox istifadə, həmçinin Norveç və ABŞ-dan idxal hesabına kompensasiya edilir. 

Bununla belə, Aİ ölkələri 2030-cu ilə qədər 42,5% hədəfə çatmaq üçün bərpa olunan enerji mənbələrini hələ fəal şəkildə genişləndirmirlər.

Sentyabrın əvvəlində Avropa Komissiyasının sədr müavini Maros Şefçoviç Rusiya qazından tamamilə imtinanı demək olar ki, qeyri-mümkün missiya adlandırıb. BEA-nın proqnozuna görə, qaz anbarlarının tam saxlama qabiliyyətinə baxmayaraq, Avropada qiymətlər yüksək olaraq qalacaq. Bundan əlavə, agentliklər hesab edir ki, Rusiya qlobal təchizat zəncirlərinin diversifikasiyası səbəbindən 2030-cu ilə qədər qlobal bazar payının təxminən yarısını itirəcək. \\Qaynarinfo