Azərbaycan millisi seçmə mərhələyə qələbə ilə başladı

Qadın futbolçulardan ibarət Azərbaycan milli komandası 2027-ci ildə keçiriləcək dünya çempionatının seçmə mərhələsində mübarizəyə başlayıb.

"Unikal" xəbər verir ki, C Liqasının 3-cü qrupunda yer alan milli ilk oyununu Şimali Makedoniya yığmasına qarşı keçirib. “Dalğa Arena”da təşkil olunan görüş yığmanın 2:0 hesablı qələbəsi ilə yekunlaşıb. Hər iki qolu Sevinc Cəfərzadə vurub.

Matçı Polşadan olan hakimlər briqadası idarə edib.