AZƏRBAYCANIN YÜRÜTDÜYÜ BALANS SİYASƏTİ ÖZÜNÜ DOĞRULDUR...
Rusiya Federasiyası prezidenti Vladimir Putinin 18-19 avqust 2024 - cü il tarixində Azərbaycana etdiyi dövlət səfəri xüsusi əhəmiyyət daşıyırdı.
Ayrı-ayrı regionlarda davam edən münaqişələr , müharibələr , qəfil baş verən hadisələr ; dünyamızı gərgin vəziyyətdə saxlayır.
ll Dünya müharibəsindən sonra "Böyük Güclər " arasında ayrı - ayrı REGİONLARA - ÖLKƏLƏRƏ nəzarət uğrunda savaş geniş vüsət alıb.
Diplomatik müstəvidə davam edən mövqe DARTIŞMASI , zaman - zaman hərbi toqquşmalarla müşahidə olunur .
Belə gərgin məqamda dünyanın SUPER GÜCLƏRİNDƏN BİRİ OLAN RUSİYA ilə dövlətlərarası münasibətlərin yüksək səviyyəsiyədə saxlanması müharibələrdən yorulmuş Azərbaycan cəmiyyətinin və dövlətinin xeyrinədir .
Tarixdən bilirik ki, hər bir dövlətin - xalqın inkişaf və tənəzül dövrü olur.
Son 200 il müddətində ilk dəfədir ki, NƏHƏNG RUSİYA Azərbaycandan siyasi dəstək istəməyə məcbur olub.
Hesab edirik ki, bu, özlüyündə Azərbaycan xalqının və dövlətinin əlinə düşmüş tarixi şansdır.
İndiki gərgin mərhələdə ölkələrimiz arasında dostluq və müttəfiqlik münasibətlərinin möhkəmləndirilməsi çox vacibdir.
2022-ci ilin fevralında imzalanmış qarşılıqlı müttəfiqlik fəaliyyəti haqqında Bəyannamənin müddəalarının həyata keçirilməsi bizim ziyanımıza deyil .
Azərbaycan öz suverenliyini və ərazi bütövlüyünü tam şəkildə bərpa edib. Yeni şərait Cənubi Qafqazda möhkəm və uzunmüddətli sülhün bərqərar olması üçün yeni imkanlar açır.
QƏRB - RUSİYA qarşıdurması fonunda Cənubi Qafqaz regionunda sabitlik və təhlükəsizlik şəraitinin qorunması bir çox hallarda Rusiya ilə Azərbaycan arasında qarşılıqlı münasibətlərin vəziyyətindən də asılıdır.
Dövlət başçısı İlham Əliyevin yürütdüyü balans siyasəti sayəsində hazırda Azərbaycan - Rusiya münasibətləri yaxşıdır .
Regional nəqliyyat marşurutları :
"Orta Dəhliz " və “Şimal-Cənub” layihəsinin həyata keçirilməsi dövlətlərarası münasibətlərimiz üçün müstəsna əhəmiyyətə malikdir .
Məlumata görə, Rusiya Fedarasiyasında iki milyondan çox azərbaycanlı yaşayır. Rusiya və Azərbaycanın müxtəlif şəhərləri arasında hər gün çox saylı təyyarə reysi həyata keçirilir. İki qonşu ölkə vətəndaşları arasında qarşılıqlı səyahətlərin, təmasların olması da insanların həyatına müsbət təsir edir .
Hal-hazırda Müstəqil Azərbaycan ilə Rusuya arasında müxtəlif sahələrdə, xüsusən neft-qaz sektoru, energetuka və kənd təsərrüfatı sahəsində qarşılıqlı ticarət işləri aparılır.
Gözlənilməz -- mümkün ekoloji fəlakətlərin qarşısını almaq üçün birgə tədbirlər həyata keçirilir .
Dünya ölkələri ilə müqayisədə TÜKƏNMƏZ TƏBİİ SƏRVƏTLƏRƏ malik Rusiya Federasiyası ilə qarşılıqlı əməkdaşlığın davam etdirilməsi Azərbaycanın iqtisadi tərəqqisinə və beynəlxalq təhlükəsizliyinə xidmət edir.
Bütün bu müsbət hallarla yanaşı, dünyada gərginlik səngimir. Son günlər QƏRB Ukraynaya F16-lar və daha güclü ciddi öldürücü silahlar verir.
Amerikadakı prezident seçkiləri bitənə qədər Ukrayna tərəfi üstünlüklər əldə edə bilər.
Hadisələrin gedişi göstərir ki, 3 ilə yaxın davam edən müharibə səbəbindən Rusiya Ukraynada bataqlığa düşüb və bu bataqlıqda çabaladıqca daha çox batır.
Rus əsgərləri savaşmaq istəmir.
Müharibədə ruh düşkünlüyü çox ciddi məsələdir.
Biz yaxşı bilirik ki, ll Qarabağ müharibəsində QƏLƏBƏMİZİN əsasında Azərbaycan əskərinin RUHUNUN yüksək olması dayanırdı.
Hazırda davam edən Rusiya - Ukrayna müharibəsində mövqe üstünlüyü tez - tez dəyişir.
Hiss olunur ki, Rusiyanın ən güclü dönəmi geridə qalıb. Bu səbəbdən KREML zor məqamlarında rəqiblərini nüvə silahı ilə hədələyir.
Lakin Moskva buna əl atsa Rusiya Federasyiyasının özü dağılacaq .
Hesab edirik ki, Rəsmi Bakının yürütdüyü balanslı siyasət özünü doğruldur.
Azərbaycan bu həssas mərhələdə maksimum ehtiyatlı olmalı və balans siyasətini davam etdirilməlidir.
Qəvami SADIQBƏYLİ