Bakıda sərnişin avtobusu qəzaya düşdü

Bakıda xəsarətlə nəticələnən yol-nəqliyyat hadisəsi baş verib.

Hurriyyet.az Report-a istinadən xəbər verir ki, hadisə Səbail rayonunda qeydə alınıb.

Belə ki, 2 nömrəli marşrut xətti üzrə hərəkət edən sərnişin avtobusu digər avtomobillə toqquşub. Hadisə zamanı sərnişin avtobusunda olan 31 yaşlı Almara Aslan qızı Məsimova xəsarət alıb.

Yaralı təcili tibbi yardımın köməkliyi ilə xəstəxanaya çatdırılıb. Faktla bağlı araşdırma aparılır.