Bayden Trassın istefasından sonra da Londonla sıx əməkdaşlığı davam etdirəcəyinə söz verib

Vaşinqton Böyük Britaniyanın baş naziri Liz Trassın istefasından sonra da London ilə sıx əməkdaşlığı davam etdirəcək.

Hurriyyet.Az xəbər verir ki, bu barədə cümə axşamı ABŞ Prezidenti Co Bayden özünün "Twitter" səhifəsində yazıb.

"Baş nazir Liz Trassa əməkdaşlığına görə təşəkkür edirəm. Ölkələrimizin üzləşdiyi qlobal çağırışların öhdəsindən gəlmək üçün birlikdə işlədiyimizə görə Böyük Britaniya hökuməti ilə sıx əməkdaşlığı davam etdirəcəyik", - deyə C.Bayden bildirib.

Xatırladaq ki, daha əvvəl Böyük Britaniyanın baş naziri Liz Trass öz vəzifəsindən istefa verib. \\Trend