BAYRAQ - Şeir

Azadlığın yaş ölçüsü,
Tərəzisi, daşı bayraq,
İstəklərin, sevgilərin,
Məsləklərin başı bayraq.

Məmməd Əmin sözü bayraq,
Millətimin özü bayraq,
Çaşıb, xor gözlə baxsalar,
Ovaram o gözü, bayraq!

Gök türkümün çağı bayraq,
Qardaşlıgın bağı bayraq,
İzn ver, uğrunda ölüm,
Gəl mənə de, ağı bayraq.

Ey, xalqımın Nuhu bayraq,
Qəhrəmanlıq ruhu bayraq,
Şərdən gələn dərd-bəlanı,
Qovaram bəd ruhu bayraq!

Bir kərə ucalan bayraq,
Tanrıdan güc alan bayraq,
Səndən ötrü can verməyə,
Hazırıq milyonlar, bayraq!

ŞAMİL

16.04.2023