Belarus lideri Lukaşenko Rusiya ilə Ukraynanı atəşkəsə çağırdı

Belarus prezidenti Aleksandr Lukaşenko Belarus xalqına və parlamentə müraciətində Ukraynada qoşunları yenidən toplamaq hüququ olmadan atəşkəs elan etməyi təklif edib. O vurğulayıb ki, Ukraynadakı münaqişənin həlli üçün əsas məsələ ilkin şərtsiz danışıqlardır.
“Hərbi əməliyyatları dayandırın, hərəkət etmək hüququ olmadan, hər iki tərəfdən qoşunları yenidən qruplaşdırmadan, silah, sursat, canlı qüvvə və texnika ötürmək hüququ olmadan atəşkəs-başqa hansı ilkin şərtlər ola bilər?", deyə Lukaşenko vurğulayıb.
Lakin Qərb növbəti dəfə öz mövqelərini möhkəmləndirmək üçün atəşkəsdən pauza kimi istifadə etməyə cəhd etsə, Rusiya münaqişənin genişlənməsinin qarşısını almaq üçün hərbi-sənaye kompleksinin və ordunun bütün gücündən istifadə etməyə məcbur olacaq.
O, Ukrayna prezidenti Vladimir Zelenskinin qanunvericilik səviyyəsində danışıqlara qadağa tətbiq etmək qərarını gülünc adlandırıb. Belarus liderinin sözlərinə görə, münaqişənin lap əvvəlində o, ukraynalı həmkarına münaqişəni “dostcasına, qardaşyana, oğul kimi” dayandırmağı tövsiyə edib, onu “düzgün istiqamətə” çevirməyə inandırmağa çalışıb.
Lukaşenko bir müddət əvvəl Ukraynada münaqişə tərəfləri arasında barışıq rolunu öz üzərinə götürdüyünü bildirib.

Ülviyyə, Hurriyyet.az