Belarusdakı nüvə silahı Avropaya cavabdır - Lukaşenko

Belarus ərazisində taktiki nüvə silahlarının yerləşdirilməsi Şərqi Avropanın sürətlə hərbiləşdirilməsinə adekvat cavabdır.

Hurriyyet.az xəbər verir ki, bunu Belarus Prezidenti Aleksandr Lukaşenko deyib.

“Hazırkı beynəlxalq vəziyyət görünməmiş dərəcədə gərgin olaraq qalır. Bütün məlum təhdidlər və çağırışlar artıb və kütləvi qırğın silahlarından istifadə riskləri artır. Bu gün beynəlxalq silahlara nəzarət qanunu nüfuzdan düşür. İstisnasız olaraq bütün ölkələrdə informasiya müharibələri və kibercinayətkarlıq səbəbindən iqtisadi və milli qeyri-sabitlik hökm sürür”, - Lukaşenko bildirib.