Belarusun müdafiə naziri: "Sərhəddə təxribat gözlənilir"

Hurriyyet.az TASS informasiya agentliyinə istinadla xəbər verir ki, Belarusun müdafiə naziri Viktor Xrenin Ukrayna tərəfindən daima kəşfiyyat aparıldığını və sərhəddə təxribatlar gözlənildiyini bəyan edib.
Nazir bu açıqlamanı, hökumətin hərbi təhlükəsizlik məsələləri ilə bağlı iclasında verib.
Xreninin sözlərinə görə, Belarus-Ukrayna sərhədində silahlı təxribatlar törədiləcəyi ehtimalı yüksəkdir. Belarusun müdafiə naziri Ukrayna kəşfiyyatının öz fəaliyyətində dronlardan istifadə elədiyini bildirib.
Avqustun 10-da Belarus Prezidenti Aleksandr Lukaşenko ölkə səmasında Ukraynadan Rusiyaya uçam dronların bir qisminin vurulduğunu bildirmişdi.
Hürr Tərcüman