Bərdədə maşınlar toqquşdu - Xəsarət alanlar var

Bərdə rayonunda yol-nəqliyyat hadisəsi baş verib.

“Qafqazinfo”nun əldə etdiyi məlumata görə, hadisə rayonun Şahvəlilər kəndi ərazisində olub.

Belə ki, hərəkətdə olan “KIA Rio” markalı avtomobil “VAZ-2106” markalı maşınla toqquşub.

Qəza nəticəsində xəsarət alan şəxslər təcili tibbi yardım maşını ilə Ağdam Rayon Mərkəzi Xəstəxanasına çatdırılıb.

Faktla bağlı araşdırma aparılır.

***

Bərdədə baş verən qəza zamanı xəsarət alanların kimliyi məlum olub. 

Onlar - Rəhimli Şəmsəddin, Sadiqov İsaq, Sadıqov Elşad, Qasımov Samir və Ərganov Cavid müxtəlif dərəcəli bədən xəsarətləri alıb. Hazırda yaralıların müalicəsi Ağdam Rayon Mərkəzi Xəstəxanasında davam etdirilir.