BEŞ POLKOVNİKƏ "GENERAL- MAYOR" RÜTBƏSİ VERİLDİ - Kimlərdir? + FOTOLAR (Yenilənib)
Prezident İlham Əliyev Azərbaycan Respublikası Müdafiə Nazirliyinin hərbi qulluqçularına “general-mayor” ali hərbi rütbəsinin verilməsi haqqında Sərəncam imzalayıb.
"AzPolitika" xəbər verir ki, sərəncama əsasən Azərbaycan Respublikası Müdafiə Nazirliyinin aşağıdakı hərbi qulluqçularına “general-mayor” ali hərbi rütbəsi verilib:
polkovnik Rəsul Rasim oğlu Əliyevə
polkovnik Elçin Rəhim oğlu Abdullayevə
polkovnik Azər Əfrayıl oğlu Heybətliyə
polkovnik Gülməmməd Tofiq oğlu Rzayevə
polkovnik Ruslan Dünyaməddin oğlu Ağasiyevə.
General-mayor rütbəsi alan polkovniklərin hansı vəzifədə işlədiklərini və fotolarını “Qafqazinfo"ya istinadən təqdim edirik:
Azər Heybətli - Müdafiə Nazirliyinin Şəxsi Heyət Baş İdarəsinin rəisinin köməkçisidir. Hazırda eyni idarənin rəisi vəzifəsini müvəqqəti əvəz edir.
Rəsul Əliyev- Müdafiə Nazirliyinin Baş İdarələrindən birinin rəisidir.
Elçin Abdullayev - Müdafiə Nazirliyinin Beynəlxalq Hərbi Əməkdaşlıq İdarəsinin rəisidir.
Gülməmməd Rzayev - Quru Qoşunlarının Artilleriya idarəsinin rəisidir. Vətən müharibəsində və antiterror tədbirlərində iştirak edib.
Ruslan Ağasiyev - Ordu korpuslarından birinin qərərgah rəisidir.
