Xəbər verdiyimiz kimi, əlindəki ziyili götürmək üçün Gəncə Şəhər Beynəlxalq Xəstəxanasına müraciət edən Türkan Balakişizadə elə oradaca dünyasını dəyişib.
Hurriyyet.Az AZXEBER.COM-a istinadla xəbər verir ki, mərhumun anası hadisə haqda danışıb.
Onun dediklərinə görə, əlinin üstündə balaca ziyil olan 23 yaşlı Türkan onu götürtmək istəyən zaman halı pisləşib:
"Qızımın əlinin üstündə balaca ət xalı var idi. Onu götürtmək istəyirdi. Buna görə Milli Onkologiya mərkəzinə qədər getmişdik. Analiz nəticələrinə görə hər şey qaydasında idi. Fevralın 23-ü özəl xəstəxanların birində əməliyyat oldu. Əməliyyatdan əvvəl halı pisləşdi və reanimasiyaya yerləşdirildi. Həkimlərin səyinə baxmayaraq qızımın həyatını xilas etmək mümkün olmadı".
23 yaşlı qızın anası xəstəxanadan şikayətçi olduğunu deyib:
"Xəstəxanadan narazıyam. Sağlam verdiyim balamın, cansız bədənini verdilər mənə".
Qeyd edək ki, Türkan Balakişizadə nişanlı olub, bir ay sonra toyu olacaqdı.