Boksçumuz III Avropa Oyunlarında ikinci qələbəsini qazandı

Azərbaycan boksçusu Məhəmməd Abdullayev (+92 kq) Polşada keçirilən III Avropa Oyunlarında növbəti döyüşünü keçirib.

Dünya çempionatının mükafatçısı səkkizdəbir finalda Gürcüstan idmançısı Nikoloz Beqadze ilə üz-üzə gəlib. M.Abdullayev görüşü qələbə ilə başa vuraraq mərhələ adlayıb. Boksçumuz dörddəbir finalda yunanıstanlı Stilianos Poulias ilə qarşılaşacaq. Həmin görüş iyunun 28-də keçiriləcək.

Xatırladaq ki, idmançımız ilk görüşdə Türkiyə təmsilçisi Uğur Aydemiri məğlub etmişdi.

Bu gün daha iki boksçumuz rinqə çıxacaq. Anaxanım İsmayılova (50 kq) Rita de Pinyo Soares (Portuqaliya), Məhsəti Həmzəyeva-Ağamalıyeva (57 kq) isə Tatevik Xaçatryan (Ermənistan) ilə qarşılaşacaqlar. \\Trend