Britaniya Yəmənə qarşı müharibəyə qoşuldu

Hurriyyet.az TASS informasiya agentliyinə istinadla xəbər verir ki, Böyük Britaniya da Birləşmiş Ştatların Yəmənə qarşı apardığı müharibəyə qoşulub. Donald Trampın növbəti dəfə Prezident seçilməsindən sonra ilk dəfə aprelin 30-da Birləşmiş Krallığın Hərbi Hava Qüvvələri paytaxt Səna şəhərinin ətrafındakı hədəfləri bombalayıblar.
Britaniyanın müdafiə naziri Con Hilinin nazirliyin X səhifəsində dərc edilmiş bəyanatında deyilir: "Krallığın "Typhoon" qırıcıları husilərin Yəməndəki hərbi obyektinə uğurlu zərbələr endiriblər... Biz bu zərbələri ABŞ-nin dəstəyi ilə, husilərin potensialını zəiflətmək,  Britaniyaya məxsus və beynəlxalq gəmilərə bundan sonrakı hücumların qarşısını almaq üçün endirmişik".
Hürr Tərcüman