Bu gecə şəhid olan Asif yanvarda əsgərlikdən qayıdacaqdı…

Xəbər verdiyimiz kimi, bu gecə Kəlbəcər istiqamətində Ermənistan silahlı qüvvələrinin törətdiyi təxribat nəticəsində hərbi qulluqçumuz əsgər Əliyev Asif Adil oğlu şəhid olub.

Hurriyyet.az xəbər verir ki, 2002-ci təvəllüdlü Asif Əliyev Siyəzən rayonunun Zarat kəndindəndir.

O, ötən ilin iyulunda hərbi xidmətə gedib, 2022-ci ilin yanvarında isə xidmətdən tərxis olunacaqmış.

Asif Əliyev Vətən müharibəsi iştirakçısı olub və Azərbaycan Prezidenti İlham Əliyevin sərəncamı ilə “Kəlbəcərin azad olunmasına görə” medalı ilə təltif edilib.