Bu idarəyə rəis əvəzi təyin olundu

Mədəniyyət Nazirliyinin yanında Mədəni İrsin Qorunması, İnkişafı və Bərpası üzrə Dövlət Xidmətinin Bakı Regional İdarəsinə rəis əvəzi təyin edilib.

Hurriyyet.az xəbər verir ki, idarənin baş məsləhətçisi Malik Hüseynov müvəqqəti olaraq, bu vəzifəni icra edəcək.

Xatırladaq ki, Bakı Regional İdarəsinin rəisi Azər Zarkara oğlu Namazovla bağlanmış əmək müqaviləsinin vaxtı başa çatdıqdan sonra onunla müqavilə uzadılmayıb. O, nazirliyin müvafiq əmri ilə 27.01.2023-cü ildən etibarən, tutduğu vəzifədən azad olunub. (APA)