Bu il dövlət büdcəsinə nə qədər vergi daxil olub - RƏSMİ AÇIQLAMA

Cari ilin yanvar-may ayları ərzində İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə 7 milyard 499 milyon 106,4 min manat vergi daxil olub. Dövlət büdcəsinə proqnozdan əlavə 1 milyard manatdan çox vəsait ödənilib.

Hurriyyet.az Dövlət Vergi Xidmətinə istinadla xəbər verir ki, qeyri-neft-qaz sektorundan daxilolmalar 5,2 milyard manat təşkil edib.

Ötən ilin müvafiq dövrü ilə müqayisədə bu sektordan vergi daxilolmaları 634,7 milyon manat və ya 13,8 faiz çox olub. Ödənilən vergilərin 69,9 faizi qeyri-neft-qaz sektorunun, 30,1 faizi isə neft-qaz sektorunun payına düşüb.