Bu şəxslər almadan uzaq durmalıdır

Yüksək vitamin deposu olan almalar bəzən orqanizm üçün gözlənilməz problemlər yarada bilər. Həkimlər bu meyvənin gündəlik norması ilə bağlı mühüm xəbərdarlıq edib.

Həkim-endokrinoloq, pəhriz mütəxəssisi Anton Polyakov sağlamlığa zərər vermədən gün ərzində yeyilə biləcək almaların sayını açıqlayıb. Ekspertin fikrincə, bir insanın gündəlik limiti cəmi iki ədəd alma ilə məhdudlaşmalıdır.

"Bir dəfəyə bir və ya iki alma yemək hələ heç kimə zərər verməyib. Təxminən bu miqdarla kifayətlənmək olar", - deyə mütəxəssis bildirib.

Həkim onu da əlavə edib ki, meyvənin miqdarı qədər onun keyfiyyəti də vacibdir. Tərkibində nitrat olan almalar orqanizmə ciddi ziyan vura bilər. Bundan əlavə, mədə-bağırsaq traktında problem olanlar və bu meyvəyə qarşı fərdi həssaslığı olan şəxslər almadan imtina etməlidirlər.

Qeyd edək ki, bəzi tərəvəzlər də oxşar risklər daşıyır. Məsələn, bəzi insanlarda pomidor yemək kəskin mədə yanmasına səbəb ola bilir.

Yəni mütəxəssislər sağlamlıq üçün gündə ən çoxu iki alma yeməyi və xüsusilə mədəsi həssas olanların diqqətli olmasını tövsiyə edirlər.//Demokrat.az