📞 Təklif və şikayət: 077 333 22 85 / 077 366 22 00

Bu tərəvəzi əkən VARLANDI - Kilosu 2300 manatdır

2026-11-20 19:35:30

Bu tərəvəzi əkən VARLANDI - Kilosu 2300 manatdır

Ankaranın Çubuk rayonunda torpağın altında yetişən və xüsusi təlim keçmiş itlərin köməyi ilə toplanan trüf göbələyinin kiloqramı 70 min lirəyə (təxminən 2300 manat) çatır. Türkiyənin trüf göbələyi istehsalı baxımından böyük potensiala malik olduğunu bildirən mütəxəssislər bu göbələyin ölkənin müxtəlif bölgələrində ilin 12 ayı ərzində tapıla bildiyini deyirlər.

Hurriyyet.net  xəbərinə görə, Türkiyənin müxtəlif bölgələrində 6 ildir trüf göbələyi axtarışı ilə məşğul olan Gökhan Akar bildirib ki, bu məhsulun ölkədə böyük, lakin hələ kifayət qədər tanınmayan potensialı var.

Akarın sözlərinə görə, trüf göbələyinin ümumilikdə 12 növü mövcuddur. Lakin onların yalnız dördü kommersiya baxımından əhəmiyyətli hesab olunur.

“Ölkəmiz trüf göbələyi baxımından kəşf edilməmiş cənnətdir. İlin demək olar ki, 12 ayı ərzində müxtəlif bölgələrdə və fərqli təbii mühitlərdə trüf göbələyi tapmaq mümkündür. Sadəcə, doğru zamanda, doğru yerdə və düzgün üsulla axtarış aparmaq lazımdır.

Trüf göbələyi torpağın altında yetişdiyi və günəş işığı görmədiyi halda belə, istehlak edilən qidalar arasında D vitamini ilə zəngin məhsullardan biridir. Vitamin və mineral tərkibi baxımından da çox böyük potensiala malikdir”, – deyə o bildirib.

Akar qeyd edib ki, trüf göbələyi müxtəlif ağac növlərinin kökləri ətrafında yetişə bilər və ilin bütün fəsillərində tapılması mümkündür.

Onun sözlərinə görə, bu göbələyə əsasən palıd ağaclarının dibində rast gəlinir. Lakin şam, qovaq, şabalıd və fındıq ağaclarının ətrafında da yetişə bilir.

“Bu, ağacla birlikdə inkişaf edən göbələkdir. Türkiyədə trüf göbələyi ilin 12 ayı ərzində toplana bilər. Sadəcə, onun tapıldığı coğrafi ərazi və növü dəyişir”, – deyə Akar vurğulayıb.

Akarın sözlərinə görə, göbələk torpağın altında yetişdiyindən onun yerini müəyyənləşdirmək üçün xüsusi təlim keçmiş itlərdən istifadə olunur.

“Trüf göbələyinin toplanması yalnız xüsusi təlim keçmiş itlərin köməyi ilə mümkündür. Bu, torpaqdakı qoxuları müəyyənləşdirmək qabiliyyətinə malik it cinslərinin potensialından asılıdır. İtlər 20 gündən bir aya qədər davam edən təlim prosesi keçirlər. Daha sonra qoxu vasitəsilə göbələyi tapır, torpağı qazır, onu çıxararaq sahibinin qarşısına gətirirlər”, – deyə o bildirib.

Akar trüf göbələyinin böyük hissəsinin xaricə göndərildiyini, Türkiyədə isə bu məhsula marağın tədricən artdığını söyləyib.

“Trüf göbələyinin pərakəndə satış qiyməti hazırda təxminən 70 min lirədir. Topladığımız göbələklərin təxminən 90 faizi xaricə göndərilir. Bununla belə, ölkəmizdə də otel və restoranlarda istehlak olunmağa başlanıb. Trüf göbələyindən kosmetika sahəsində də istifadə edilir. Türkiyə olaraq bu məhsula hələ bir qədər uzağıq, bazar yeni-yeni formalaşmağa başlayır”, – deyə Akar qeyd edib.

Trüf göbələyi axtarışına iti Rufi-ni sahiblənməklə başladığını bildirən Bahadır Kemal Kılınç bu sahəyə maraq göstərənlərin əvvəlcə təcrübəli şəxslərdən məlumat almasının vacibliyini vurğulayıb.

Kılınç bildirib ki, trüf axtarışına yeni başlayıb və bu işin çoxsaylı incəliklərini öyrənmək lazımdır.

“Trüf göbələyi axtarışına yeni başlamışam. İlk addım olaraq Rufi adlı itimi sahibləndim. Bu işə təsadüfi şəkildə başlamaq olmaz. Əvvəlcə trüf axtarışı ilə məşğul olan biri ilə tanış olmaq lazımdır. Çünki öyrənilməli çoxlu detal var.

Həyat yoldaşımla birlikdə təbiətdə gəzməyi onsuz da çox sevirik. Trüf göbələyinin kiloqramının 70 min lirə olduğunu öyrəndikdən sonra bu iş mənim üçün daha da cəlbedici oldu. Həyəcanlıyıq. İnşallah, ilk trüfümü tapanda bu, mənim üçün də çox yaxşı olacaq”, – deyə Kılınç bildirib.