“Cavab zərbələri başlayır” - SEPAH təxliyə elan etdi

İran İnqilab Keşikçiləri Korpusu ölkədə yerləşən bəzi sənaye obyektləri ilə bağlı təcili xəbərdarlıq yayıb.

Musavat.com xəbər verir ki, qurum ABŞ və İsrailin İranın sənaye mərkəzlərinə hücumlarından sonra cavab tədbirlərinə başladığını açıqlayıb.

SEPAH komandanlığı ABŞ səhmdarlarının iştirak etdiyi və ya İsraillə əməkdaşlıq edən müəssisələrdə çalışan əməkdaşlara dərhal iş yerlərini tərk etməyə çağırıb.

Eyni zamanda, bu tip obyektlərin ətrafında yaşayan mülki şəxslərə də ciddi xəbərdarlıq edilib. Bildirilib ki, həmin ərazilərdə, xüsusilə 1 kilometrlik radius daxilində yaşayan vətəndaşlar mümkün zərbələrdən əvvəl dərhal təxliyə olunmalıdır.