Çexiya könüllülərə Ukrayna uğrunda döyüşməyə icazə verdi

Ukraynada Rusiyaya qarşı döyüşmək istəyən Çexiya vətəndaşlarına icazə verilib.

Bunu Çexiyanın Baş naziri Petr Fiala deyib.

“Cənab prezidentlə (Miloş Zeman – red.) görüşdə razılaşdıq ki, Ukraynaya gedib könüllü döyüşmək istəyən insanların cəza almayacaqlarına zəmanət veririk”, - nazir bildirib.

Çexiya hökuməti Ukraynaya 17 milyon kron (təxminən 22 milyon qrivna) məbləğində hərbi texnikanın verilməsini də təsdiqləyib.

Son məlumata görə, Çexiyadan 400-ə yaxın könüllü Ukraynada döyüşmək istəyir.