Consona cərimə cəzası veriləcək

Hurriyyet.az TASS informasiya agentliyinə istinadla xəbər verir ki, Britaniyanın Baş naziri Boris Conson pandemiyanın ağır dövründə Dauninq-stritdə qonaqlıq keçirdiyinə görə cərimələnəcək.

Dünən London polisi ölkədə pandemiyanın kəskinləşdiyi və məhdudiyyətlərin sərtləşdirildiyi dövrdə Britaniyanın Baş nazirinin iqamətgahında və digər hökumət binalarında keçirilmiş qonaqlıqların iştirakçılarına 50-dən artıq cərimə cəzası kəsib.

Bu barədə açıqlamanı bu gün Britaniya Nazirlər Kabinetinin təmsilçisi verib. Consonun nümayəndəsi deyib: “Baş nazir ilə Maliyyə Naziri bu gün paytaxt polisinin onlara cərimə cəzası verəcəyinə dair bildiriş alıblar”.

Hürr Tərcüman