COP29-a görə Bakıya giriş-çıxış MƏHDUDLAŞDIRILACAQ? – AÇIQLAMA

COP29-a hazırlıq işlərinin görülməsi və həmin tədbirin keçirilməsi ilə əlaqədar ölkədə infrastruktur, nəqliyyat, habelə təhlükəsizlik və digər müəyyən məhdudiyyətlərin tətbiq olunması qaçılmazdır. Noyabr ayında Bakıda təşkil ediləcək COP29-la bağlı distant təhsilə keçirilməsi, toyların təxirə salınması, iş rejiminin məsafədən olması ilə bağlı qərarlar qəbul edilib. Çünki beynəlxalq konfransla əlaqədar ölkəyə 100.000-ə yaxın turistin gələcəyi və tıxacın olacağı gözlənilir. Bu cür məhdudiyyətlərin qoyulması insanlarda “daha hansı sahələrdə məhdudiyyətlər qoyula bilər?” sualı doğurur. 

Cəmiyyətdə yayılan fikirlərə görə, paytaxtda sıxlığın qarşısını almaq üçün COP29 ərəfəsində rayonlardan avtomobillərlə Bakıya gəliş də məhdudlaşdırıla bilər. Qeyd edək ki, bu təcrübə pandemiya dönəmində də yaşanmışdı. 

Maraqlıdır, COP29-la bağlı rayonlara gediş-gəlişin məhdudlaşdırılması nə dərəcədə realdır?