Daha bir ölkədə etiraz aksiyası keçirilir - İndi də Ramanı istəmirlər

Minlərlə gənc Albaniyanın paytaxtı Tiranada Baş nazir Edi Ramanın istefası tələbi ilə etiraz aksiyası keçirib.

"Unikal" "Reuters" agentliyinin məlumatına görə, gənclərin etirazlarının beşinci günündə Təhsil Nazirliyinin qarşısında keçirilən nümayiş polislə toqquşmalara çevrilib.

Etirazçılar korrupsiya və işsizlik əleyhinə nümayişlər keçirirlər.

Maskalı bir qrup gənc polisə daş atmağa başlayıb, polis isə səs qumbaraları, göz yaşartıcı qaz və su şırnaqlarından istifadə edib. Polisin məlumatına görə, bu vaxta qədər təxminən 500 iğtişaşçı saxlanılıb, onlardan 330-u sonradan sərbəst buraxılıb. Təxminən 120 polis əməkdaşı və 45 etirazçı yaralanıb. Lakin, bütün hallar rəsmi statistikaya daxil edilmədiyi üçün nümayişçilər arasında itkilərin sayı daha çox ola bilər.

2013-cü ildən bəri hökumətə rəhbərlik edən və keçən ilki seçkilərdən sonra dördüncü müddətə qalib gələn Rama mövcud vəziyyəti hakimiyyətinin ən ciddi sınaqlarından biri adlandırıb. Bu həftə "Reuters" agentliyinə verdiyi müsahibədə istefa vermək niyyətində olmadığını bildirib.