Daha bir qrup ukraynalı uşaq Bakıya gəldi

Ukraynalı uşaqlardan ibarət növbəti qrup reabilitasiya xidmətləri almaq üçün Bakıya gəlib.

Hurriyyet.org  xəbər verir ki, bu barədə Ukraynanın Azərbaycandakı səfiri Yuri Qusev "X"də məlumat yayıb.

"2026-cı ildəki ilk qrup - Ukraynadan olan 26 uşaq Bakıya gəlib. Ukraynanı müdafiə edənlərin uşaqları peşəkar qulluq və reabilitasiya alacaqlar", - o yazıb.

2022-ci ildən bəri Azərbaycanda 498 ukraynalı uşaq reabilitasiya keçib.

Səfir həmrəylik və dəstəyə görə Azərbaycana bir daha təşəkkür edib.