Dövlət qurumuna yeni mətbuat katibi təyin edildi
Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində İstehlak Mallarının Ekspertizası Mərkəzində İctimaiyyətlə iş şöbəsinin rəhbəri - mətbuat katibi təyin olunub.
Modern.az xəbər verir ki, bu vəzifəyə Aytən Abdullayeva gətirilib.
Məlumatı onun özü də təsdiqləyib.
A.Abdullayava daha əvvəl Qarabağ Universietində çalışıb. O, 2024-cü ilin iyulunda Qarabağ Universitetinin İctimaiyyətlə əlaqələr şöbəsinə müdir təyin olunmuş, 2025-ci ilin avqustunda həmin vəzifədən ayrılmışdı.
Aytən Abdullayeva əmək fəaliyyətinə 2008-ci ildə Bakı Slavyan Universitetində başlayıb. 2013–2021-ci illərdə Elm və Təhsil Nazirliyində çalışıb.
2021–2024-cü illərdə Təhsildə Keyfiyyət Təminatı Agentliyində (TKTA) İnformasiya və insan resursları şöbəsinin müdiri vəzifəsində işləyib.