Dünyada ilk: iqlim dəyişikliyi xəstəliyi yarandı

Kanadada həkim ilk dəfə iqlim dəyişikliyinə görə xəstəyə astma diaqnozu qoyub.

Hurriyyet.az xəbər verir ki, bu barədə “IFLScience” elmi nəşri məlumat yayıb.

Məlumata görə, bu yay 70 yaşlı qadın pasiyent xəstəxanaya müraciət edərək, nəfəs almaqda çətinlik çəkdiyini bildirib. Müayinə zamanı məlum olub ki, qadında ürək çatışmazlığı və şəkərli diabet xəstəliyi var, havanın həddindən artıq isti keçməsi onun xəstəliyini kəskinləşdirir. Ona iqlim dəyişikliyi xəstəliyi diaqnozu qoyulub.

Qeyd edək ki, 2021-ci ilin yayında Kanadada 500 nəfər kəskin istiləşməyə görə ölüb. ÜST-ün məlumatına görə isə hər il dünyada təxminən 150 min insan iqlim dəyişikliyinin qurbanı olur.