Dünyanın siyasi naviqatoru Britaniyada ərzaq qıtlığı anonsu digər ölkələrə təsir göstərəcəkmi...

İngiltərənin ət sənayesinə qısamüddətli "yardım", karbon qazı çatışmazlığının davam etməsi ilə əlaqədar olaraq hökumət tərəfindən veriləcək. "Plant Based News" xəbər portalı bu barədə 24 sentyabrda "Politico"ya istinadla məlumat yayıb.
Aparıcı ticarət qurumu olan "İngilis Ət Emalçıları Birliyi" (BMPA), "fövqəladə hallar planı" hazırlamaq üçün hökumətlə sıx əməkdaşlıq etdiyini təsdiqlədi.
"BMPA" rəsmiləri, "Bu təcili böhranın qarşısı alındıqdan sonra, hökuməti özümüzün və digər sektorlarımızın köməyi ilə müasir təchizat zəncirlərimizi necə inkişaf etdirdiyimizi və zəifliklərin haradan qaynaqlandığını hərtərəfli nəzərdən keçirməyə dəvət edəcəyik", dedi.
Qeyd edək ki, 20 sentyabrda Britaniya sakinlərinin iki həftə ətsiz qala biləcəyi məlum oldu. Ölkədə "CF Industries" şirkətinə məxsus iki vacib gübrə zavodunun bağlanması səbəbindən tədarük problemləri yarana bilər. Bu iki zavod ətin soyuducalarda saxlanması və qablaşdırılması da daxil olmaqla qida sənayesində istifadə olunan ticari karbon qazının yarısından çoxunu istehsal edirlər.
"Bu böhran, İngiltərənin ərzaq tədarük zəncirinin az sayda böyük gübrə istehsalçısı tərəfindən idarə olunduğunu göstərir. İngiltərə qida zəncirinin hərəkətliliyini təmin etmək üçün istehsal prosesinin yan məhsuluna güvənirik", İngilis Ət Emalçıları Birliyinin (BMPA) icraçı direktoru Nik Allen deyir.
Xatırladaq ki, "Guardian" 23 sentyabrda ət sənayesi nümayəndələrinin Qida Sistemləri üzrə Sammiti (UN FSS) ərəfəsində BMT-nin dəstəyində israr etdiklərini söyləmişdi.
Ülviyyə, Hurriyyet.az