Əfqanıstanda zəlzələ - həlak olanlar var

Hurriyyet.az TRT Haber kanalına istinadla xəbər verir ki, Əfqanıstanda gecə saatlarında baş vermiş 5,2 bal gücündə zələzələ nəticəsində ilkin məlmatlara görə, 6 nəfər həlak olib, 9 nəfər yaralanıb. Zəlzələ ölkənin şərqindəki Kunar vilayətinin Nurgül rayonunda baş verib.

Təkanlar nəticəsində onlarla ev dağılıb.

Nangarhar vilayətində isə zəlzələ nəticəsində 30 nəfər yaralanıb.

Zəlzələ yerli saatla 02.27-də baş verib. Zəlzələnin episentri yerin 10 km dərinliyində olub. Təkanlar Pakistanda da hiss edilib.

İyunun 22-də Əfqanıstanın şərq vilayətlərini vuran 5,9 bal gücündə zəlzələdə 1200-dən artıq insan həlak olmuşdu.

Əfqanıstanda evlər gildən tikildiyi üçün zəlzələlər zamanı insan itkisi artır.

Hürr Tərcüman