Elza Seyidcahanı döyən iş adamı həbs edildi

Hurriyyet.az Virtualaz.org-a istinadən xəbər verir ki, müğənni Elza Seyidcahana zor tətbiq edən Rüstəm Kərimzadə həbs olunub. Bu barədə yerli KİV-lər vəkil Elçin Sadıqova istinadən yazır.

Vəkil bildirib ki, R.Kərimzadə barəsində sentyabrın 29-da 1 aylıq həbs qərarı çıxarılıb. Həbs edilən şəxs aclıq aksiyası keçirir.

Qeyd edək ki, müğənni Elza Seyidcahan Nəsim rayon Polis İdarəsinin 21-ci Polis Şöbəsinə şikayət edərək, R. Kərimzadənin ona zor tətbiq etdiyini bildirmişdi.

Xatırladaq ki, Rüstəm Kərimzadə “ELİT SRC GROUP” MMC-nin təsisçisidir və hazırda həmin təşkilatın direktoru vəzifəsini icra edir.