Ərdoğan Elçin Əfəndiyevə “Necip Fazıl” mükafatını verdi - FOTO

Azərbaycanlı yazıçı Elçin Əfəndiyev Türkiyənin ədəbiyyat sahəsində olan “Necip Fazıl” mükafatını alıb.

Hurriyyet.Az xəbər verir ki, İstanbulun Atatürk Mədəniyyət Mərkəzində baş tutan mükafatlandırma mərasimində ölkə başçısı Rəcəb Tayyib Ərdoğan da iştirak edib.

“Bu mükafatın Türkiyə-Azərbaycan dostluğunun səmimiyyəti və həmrəyliyinin dünyada örnək olduğu bir zamanda verilməsinin fərqli bir mənası var. Əfəndiyev qardaşımızın əsərləri və varlığı ilə bu dostluğun mədəniyyət və elm sahələrində bayraqdarlarından biri olmağına davam edəcəyinə inanır, onu təbrik edirəm”, - deyə Türkiyə Prezidenti çıxışı zamanı bildirib.