Finlandiya ilə İsveçin NATO-ya daxil olması protokolları imzalanıb

Hurriyyet.az TASS informasiya agentliyinə istinadla xəbər verir ki, Finlandiya ilə İsveçin xarici işlər nazirləri NATO-ya daxil olmaq üçün protokolları imzalayıblar.

Mərasim alyansın mənzil-qərargahında keçirilib.

NATO-nun Baş katibi Yens Stoltenberq Helsinki ilə Stokholmun üzvlüyünün ratifikasiya prosesinin başlandığını bildirib.

Xatırladaq ki, bir qədər bundan əvvəl alyansdan verilən açıqlamada Finlandiya ilə İsveçin NATO-ya birləşməsi ilə bağlı Brüsseldə yerləşən qərargahdakı danışıqların uğurla başa çatdığı bəyan edilmişdi.

Hürr Tərcüman