Gənclər təşkilatı növbəti tədbirini Siyəzəndə keçirib - Fotolar

“Sağlam Yaşa” Gənclərin Maarifləndirilməsi İctimai Birliyi Azərbaycan Respublikasının Gənclər Fondunun maliyyə dəstəyi ilə “Heydər Əliyev Müstəqil Azərbaycan Konstitusiyasının memarıdır” adlı  layihəsini Siyəzən  rayonunda davam etdirib. 

Siyəzən rayon Heydər Əliyev mərkəzində keçirilən  tədbiri Rayon İcra Hakimiyyəti başçısının müavini Ruhiyyə Hacıyeva açaraq iştirakçıları salamladı və   Şəhidlərimizin xatirəsi bir dəqiqəlik sükutla yad edildi.

Natiq sonra  1995-ci ildə Müstəqil Azərbaycan Respublikasının ilk Konstitusiyasının  hansı ağır şəraitdə qəbul edilməsindən, onun mahiyyətindən geniş  danışdı. 

Təşkilatın icraçı direktoru Tələt Qəribov çıxışında  qeyd etdi ki, gənc nəsil Heydər Əliyevin dövlətimiz, millətimiz üçün gördüyü  əvəzolunmaz xidmətlərini bilməlidir.

Siyəzən rayon Yeni Azərbaycan Partiyasının sədr müavini Ramilə Seyidova Konstitusiyamızın bütün maddələrinin dövlətimiz və xalqımızın rifahı üçün bir mayak yolu olduğunu iştirakçıların diqqətinə çatdırdı.

Gənclər və idman sektorunun Siyəzən rayon üzrə  müdiri Vüsal Alışov, rayon Mərkəzləşmiş kitabxananın direktoru Gülnar Musayeva  bu sahədə gənclər arasında aparılan tədbirlərdən danışdı. Tədbir çay süfrəsi ətrafında aparılan müzakirələrdən sonra başa çatmışdır.