Hörmüz boğazı ilə bağlı birgə bəyanat verdilər

ABŞ müttəfiqləri Hörmüz boğazında təhlükəsizliyə töhfə verməyə hazır olduqlarını bildiriblər.

“Qafqazinfo” xəbər verior ki, birgə bəyanatı “The Guardian” yayıb.

“Biz boğazdan təhlükəsiz keçidi təmin etmək üçün müvafiq tədbirlərə töhfə verməyə hazır olduğumuzu bildiririk. Hazırlıq planlaşdırmasında iştirak edən ölkələrin öhdəliklərini alqışlayırıq”, - bəyanatda deyilir.

Bəyanat Böyük Britaniya, Fransa, Almaniya, İtaliya, Hollandiya və Yaponiya tərəfindən verilib. Ölkələr həmçinin münaqişənin gərginləşməsindən dərin narahat olduqlarını bildiriblər və İranı boğazı ticarət gəmiçiliyinə bağlamaq cəhdlərini dərhal dayandırmağa çağırıblar.