İƏT Haniyənin ölümündə İsraili ittiham edib

Hurriyyet.az "Anadolu Agentliyi"nə istinadla xəbər verir ki, İslam Əməkdaşlıq Təşkilatı HƏMAS lideri İsmayıl Haniyənin ölümünə görə İsrailin məsuliyyət daşıdığını bəyan edib.
İƏT-in icra komitəsi Ciddə şəhərində xarici işlər nazirləri səviyyəsində növbədənkənar iclas keçirib.
İƏT dövlətlərinin XİN rəhbərlərinin keçirilmiş görüşünün yekununda qəbul edilmiş bəyanatda Haniyənin Tehran şəhərində qətlə yetirilməsinin beynəlxalq hüququn və BMT Nizamnaməsinin pozulması, İranın milli təhlükəsizliyinə və suverenliyinə "təhlükəli hücum" olduğu qeyd edilib.
Hürr Tərcüman