İranda etirazlar zamanı 26 nəfər həlak olub

Hurriyyet.az xəbər verir ki, İran mətbuatı ölkədəki etiraz nümayişləri zamanı 26 nəfərin həlak olduğunu yazıb. Bu barədə məlumatı dövlət televiziyası yayıb. Ölənlər arasında polislər də var.

 İranda kütləvi etirazlar 22 yaşlı Mahsı Aminin həbs edildikdən sonra ölümünün ardından başlayıb.

Mahsa Amini sentyabrın 13-də saçları hicabın altından çıxdığı üçün əxlaq polisi tərəfindən həbs edilmiş, sentyabrın 16-da xəstəxanada vəfat etmişdi.

Onun ölümündən sonra paytaxt Tehranda, ölkənin bir çox şəhər və əyalətlərində etirazlar başlanmışdı.

Hürr Tərcüman