İrəvanda Azərbaycan gömrüyünün əleyhinə çıxış edənlər həbs edildilər

Hurriyyet.az “Sputnik Armeniya” agentliyinə istinadən xəbər verir ki, İrəvanda Azərbaycan gömrüyünün Gorus-Qafan avtomobil yolunun Azərbaycana məxsus hissəsindəki nəzarət məntəqəsinin fəaliyyətinin əleyhinə etiraz aksiyası keçirilib.

Ermənistan polisinin mətbuat xidməti nümayiş keçirilənlərdən 16 nəfərinin yaxalanaraq polis məntəqəsinə aparıldığını bildirib. Mitinq və həbslər davam edir.

Ermənistanın Baş naziri Nikol Paşinyan bu gün hökumətin iclasındakı çıxışında İrandan Ermənistana malların gətirilməsi üçün yaxın zamanda alternativ avtomobil yolunun istifadəyə veriləcəyini bildirib.

Hürr Tərcüman