İsrail ordusu Filadelfiya dəhlizini tutmağa başlayıb

İsrail ordusu Filadelfiya dəhlizini tutmağa başlayıb. Belə ki, İsrailin Rəfah işğalında məqsədlərindən biri Qəzza zolağının Misirdən tamamilə ayrılmasıdır. Bu ərazidə hərbi bazaların, divarların və hasarların tikiləcəyi gözlənilir. İsrail artıq Misirə gedən ərazidə tunelləri dağıdıb və yerin altında beton divarlar tikməyi planlaşdırır.

Filadelfiya dəhlizinin ələ keçirilməsi İsrailin Qəzzanı bölmək planının bir hissəsidir. Qəzzanın şimalında Qəzzanın mərkəzini digər ərazilərdən ayıran Netzarim dəhlizi artıq tikilib. Filadelfiya dəhlizi (14 km) Qəzza ilə Misir arasındakı sərhədi təşkil edir.

Dəhliz 1979-cu ildə Misirin İsraillə imzaladığı sülh sazişinin bir hissəsi olaraq bufer zona kimi yaradılıb. Fələstinlilərin silah əldə etmələrinin və Qəzzanı tərk etmələrinin qarşısını almaq lazım idi. 2007-ci ildən sonra Həmas Qəzzaya tam nəzarəti ələ keçirdikdən sonra dəhliz zolağın xarici dünya ilə son əlaqəsinə çevrildi.

Dəhliz bölgəsindəki tunellər Qəzza üçün həyati əhəmiyyətə çevrilib və İsrail onların hamısını məhv etmək istəyir. Bunun qəzzalıları Misirə qovmaq planının bir hissəsi ola biləcəyi ilə bağlı qorxular var.

Ülviyyə, Hurriyyet.az