"İsraillə birlikdə İran səmasını nəzarətə götürəcəyik" - Heqset

ABŞ və İsrail İran hava məkanı üzərində tam nəzarət yaratmaq niyyətindədirlər.

"Unikal" xəbər verir ki, bunu Pentaqon katibi Pit Heqset bildirib.

"Dünən gecədən başlayaraq və bu, bir neçə gün, bir həftədən az müddətdə başa çatacaq, dünyanın ən güclü iki hava qüvvəsi İran səmasını nəzarətə götürəcək", - deyə o qeyd edib. 

Daha əvvəl "The Guardian" qəzeti ABŞ hərbi rəsmilərinə istinadən İranda təxminən 2000 hədəfin vurulduğunu bildirmişdi. Qəzetin mənbələrinə görə, İranla müharibənin ilk 24 saatında həyata keçirilən zərbələrin sayı 2003-cü ildə "şok və heyrət" siyasətinin bir hissəsi olaraq İraqa edilən hücumların sayından təxminən iki dəfə çox olub.